សាសនាព្រះពុទ្ធ

(បទព្រហ្មគីតិ)
១. សាសនា នៃព្រះពុទ្ធ បរិសុទ្ធ អប់រំល្អ
ឲ្យប្រ ជានិករ ចិត្តស្មោះសរ ក្នុងអំពើ ។

២. ព្រះពុទ្ធ លោកទូន្មាន ប្រាប់ផ្លូវស្ពាន នៃទង្វើ
ឲ្យសាង តែអំពើ សព្វសារពើ ល្អប្រពៃ ។

ក. អំពើ មានបីយ៉ាង លោកសំអាង យើងត្រូវលៃ

មួយគឺ ស្ដីពាក្យវៃ ផ្អែមល្ហែមន័យ កុំចាក់ដោត ។
ខ. ពីរគឺ ចិត្តគំនិត កុំបីគិត អាក្រក់សោត
បីគឺ ទង្វើផ្ដោត ត្រូវគិតកោត កុំអាក្រក់ ៕

ដូនចាស់កាន់ធម៌
(បទព្រហ្មគីតិ)

១. ជីដូន ចាស់ជរា ក្រាបវន្ទា បដិមា
ព្រះពុទ្ធ ទីសក្ការ សូធ្យធម៌អាថ៌ ស្មឹងស្មាធិ៍ឈឹង ។

២. ជីដូន ចិត្តស្មោះសរ យកព្រះធម៌ ជាពំនឹង
អារម្មណ៍ ស្ងប់ស្ងៀមនឹង ចិត្តរំពឹង ប្រាថ្នាសុខ ។

៣. មើលយាយ ស្វាធ្យាយណាស់ ទោះខ្លួនចាស់ សន្សំទុក
ផលបុណ្យ ទៅថ្ងៃមុខ សូមផុតទុក្ខ ដល់និព្វាន ៕

គម្រូសត្វឃ្មុំ

(បទពាក្យ៧)

១.      មើលនែ៎សត្វឃ្មុំ ខំធ្វើការ                          យើងជាកុមារ មើលគម្រូ
          ឃ្មុំបង្ហាញប្រាប់ ឲ្យតស៊ូ                           ចេះគិតរៀនគូរ ដើរផ្លូវត្រូវ          ។

 ២.      ឆ្លាតចេះដឹងខ្លួន ទាន់នៅក្មេង                   កុំគិតតែលេង វង្វេងផ្លូវ
          សន្សំវិជ្ជា ពីឥឡូវ                                    ធនធានជាផ្លូវ ជោគកំណត់       ។

 ៣.      កុំធ្វេសប្រហែស ខិតខំរៀន                       ចំណេះរបៀន រៀនហ្មត់ចត់
          បែងចែកវេលា រៀនមានបទ                     ថ្ងៃក្រោយប្រាកដ បានថ្កុំថ្កើង     ៕

សួនមេអំបៅ

មើលមេអំបៅហើរឆ្វែលផ្កា              ចិត្តប៉ងប្រាថ្នាក្រេបទឹកដម
មួយលឿងហើរទំផ្កាក្រហម             មានគូហើរអមតាមការពារ។

ឯមួយខៀវនោះស្ទុះហើរវឹង              សំដៅត្រង់ភ្លឹងរកគូវា
រួចហើរត្រសងទន្ទឹមគ្នា                     រកផ្កានានារីកស្រស់ថ្មី។

មើលមេអំបៅចម្រុះផ្លេក                    ដេរដាសពេញមេឃគួរបេតី
ផ្កាព្រឹកក្រអូបរីកថ្មីៗ                          ជួយឲ្យផែនដីមានសម្រស់។

មើលមេអំបៅហើរទាំងហ្វូង              ប្រសាចព្រាតព្រោងពេញទាំងអស់
សួនមេអំបៅផ្ការីកស្រស់                   ឃើញហើយសោមនស្សចិត្តរីករាយ៕      

ពស់ប្រឹងលេបកង្កែបប្រឹងរើ

regina strychanyn

Shared publicly  -  4:19 PM

ម៉ូហ្គ្លី រូបពិតជាមួយសត្វព្រៃ

Did You Know ? originally shared this post:

                   Real Life Mowgli

During their stay at Namibia Tippi Degre befriended many wild animals, including a 28-year old elephant Abu, a leopard nicknamed J&B, crocodiles, lion cubs, giraffes, a Northern Greater Galago, a Banded Mongoose, an Ostrich, meerkats, a baby zebra, a cheetah, a Caracal, a snake, an African Grey Parrot, giant bullfrogs and chameleons.
YouTube :  Real Life Mowgli

More pho

ដេញចាប់កន្ទុំរុយដល់ស្រីលង្កា

ដេញភ្នែកតាមចាប់ ជាប់កន្ទុយ    

គន់កន្ទុំរុយ ហ្វូងឆៀងឆែល
ហើរព័ទ្ធក្រឡឹង ប្រឹងហោះហែល
ឆ្ងាយក្រែលដល់ក្រុង ស្រីលង្កា។

សង្ឃពុទ្ធសាសនិក ទីនោះផ្សេង  
ចិញ្ចើមទុកវែងកោរកេសា
ខុសពីទំនាមខ្មែរសាសនា          
កេសាចិញ្ចើមកោរទាំងព្រម។

Bante Seelananda Thero originally shared this post:

This pic taken by my brother on the way to my home town.

វាសនាសាងពីក្នុងចិត្ត

អ្នកខ្លះបាន      ជោគជ័យ   ដោយវាសនា

ខ្លះទៀតណា    ដោយសារ ការប្រឹងប្រែង
តើត្រូវជឿ        វាសនា       ដោយឯងៗ
មិនប្រឹងប្រែង   ធ្វើការ        ឬយ៉ាងណា?

ជោគជ័យផ្ទាល់ មានផ្លូវ     ត្រូវដើរពីរ
មួយនាទី          កំណត់    "ប្រតិបត្តិ"ការ
ឯមួយទៀត      ខំប្រឹង      ធ្វើឧស្សាហ៍
ព្រោះវាសនា    ប្រែថា      ការកសាង៕

កង់អំពិលអំពែក

          កង់អំពិលអំពែក

១.      មើលកង់ អំពិលអំពែក    ជិះយប់ ចេញភ្លើងផ្លេកៗ       នរណា ក៏ចោលខ្សែភ្នែក
          ក្រឡេកភ្ញាក់ផ្អើលមើលកង់ចំឡែក  ក្រឡាប់អស់ភ្នែក ដូចកង់សួគ៌ា។

២.      អ្នកជិះ ក៏ស្រស់សង្ហា      ស្អាតដូច ជាទេពកញ្ញា           ហោះក្នុងអាកាសវេហាស៍
          វាចាឆ្លើយមកនាងមកពីណា            ឈ្មោះអ្វីពម្ងារ       មេត្តាប្រាប់ផង។

បន្ទរ.  នែនាងៗ ក្រមុំរូបស្រស់  បងសួរ រូបអូនដោយស្មោះ    កុំថាបងញ៉ោះតាមញ៉ែនួនល្អង
          ស្រណោះឬអ្វីស្រីស្ងួនមាសបង      បងស្ម័គ្រតាមផ្សង ប៉ងស្មោះមេត្រី។

៣.     អូហ៍នាង បវរកញ្ញា          តើអូន ជាទេពធីតា                មកលេង នៅឋានផែនដី
          ទើបស្រីមាសឆ្នើមខ្ពើមស្នែហ៍លោកិយ  ឬគទេហ្អី        កិន្នរីអូន?
(ស្រី) ចាំ-តែ-គ-តើ ...  (ប្រុស)  ហ្អ៎ា!?

rbo Escaliers Au Livre Paradis

Les Escaliers sans Pieds au Paradis,
Montant par les Nuages petit á petit,


Au Ciel sérein, quelqu' un lá d' y vivre
Oú s' installe le Paradis dans ce livre,


Est-elle une petite Déesse qui y reste?
Visitant quelqu' un á la Porte Céleste.

Hésitante d' y entrer de quoi á méfier,
Oú n' est personne ni Archange ni une Fée?

              Poem by Sao Puthpong, Cambodia

កញ្ចាញ់ចេកជិះខ្យងចម្លងភក់

ខ្យង៖

            នែសម្លាញ់ កញ្ចាញ់ចេក            កុំខ្ជិលពេក ចាំជិះស្រាប់

            ឯងធ្លាប់លោត ប៉ិនចំណាប់       កុំធ្វើយ៉ាប់ ជិះខ្នងខ្ញុំ។

កញ្ចាញ់ចេក៖

            ខ្ញុំធ្លាប់លោត លើចុងឈើ         ដើរដីលើ មិនដែលខ្ញុំ

            ចេះតែឆ្អើម ដីសើមពុំ               ម៉្លោះហើយខ្ញុំ សុំជិះខ្នង។

ខ្យង៖

             កុំជ្រុលពេក ចេកកញ្ចាញ់        ឫកគួរខ្នាញ់ ខ្ជិលកន្លង

            អន់អ្វីម៉្លេះ អង្វរខ្យង                 ជួយចម្លង ផុតភក់ដី។

កញ្ចាញ់ចេក៖

            ខ្ញុំអរគុណ ណាស់បងខ្យង      សុំតែម្តង បងប្រណី

            ទៅថ្ងៃក្រោយ សងគុណបី     មានការអ្វី ពឹងខ្ញុំបាន៕

 រូបនេះគឺកុមារតូចស្ទូចត្រីបានស្មានតែត្រីតាមដេញស្ទូចវាវិញវាទម្លាក់ដងសន្ទូចរត់ចេញ។

មិត្តល្អចេះចែករំលែក

              

            កូនចាប ហើរឆាប មកពីនាយ៖

                        ខ្ញុំញ៉ាំផង      ចែកគ្នាញ៉ាំ

            កំប្រុក សំកុក ចាំនៅអាយ៖

                        ខ្ញុំនៅចាំ        ឯងពីយូរ

                        ឯងទៅណា  ម្ដេចរអ៊ូ

            កូនចាប ឆ្លើយប្រាប់ ភក្ត្រស្រស់ស្រាយ៖

                        ស្ទះផ្លូវយូរ   ចរាចរ។

                        អរគុណឯង  ចេះបែងចែក

            កូនកំប្រុក មុខស្រស់ សើចពព្រាយ៖   

                        មិត្តនឹងគ្នា     ចិត្តស្មោះសរ

                        ញ៉ាំម្នាក់ឯង  ក្រែងមិនល្អ

            កូនចាបនិងកូនកំប្រុក៖

                        ជាមិត្តល្អ      ចេះជួយគ្នា៕

                               ពង្ស ពេញ្ជ័យ (ភ្នំពេញ កម្ពុជា)